Ek is bevoorreg om vir die afgelope 21 jaar hoof te wees van hierdie unieke, 122-jaar oue plaasskooltjie met sy ryk geskiedenis en tradisies.

​

Tans gaan 137 leerders van graad 1 tot 7 en 57 voorskoolse kleuters hier skool onder die mees ideale onderrig-omstandighede wat enige kind van kan droom. Behalwe dat die skool tussen plase geleë is, is die speelgrond vol diere en kom die leerders daagliks in kontak met die natuur.

​

Dit is vir my en al die opvoeders van die grootste belang dat elke kind gelukkig moet wees en skoolgaan moet geniet. Om dit te bewerkstellig, leef ons Christelike waades uit en funksioneer soos een groot familie wat mekaar respekteer, ondersteun, lojaal is en lief het.

​

Ons bied aan ons leerders alles wat groot skole kan bied en poog om elke kind se potensiaal te ontwikkel.